एक सय रुपैयाँको जरिवानाले नमाने कडा रुप लिने प्रजिअ आचार्य

सदरमुकाम सिमकोटमा मास्क नलगाएर हिड्ने मानिसहरुलाई प्रहरीले वैशाख १८ गतेबाट एक सय रुेपैयाँ जरिवाना गरेको छ । विश्व भरिनै कोभिड १९ को महामारिको त्रास फैलने डरमा हुम्ला जिल्लाको सदरमुकाम सिमकोटमा पनि हिडडुल गर्ने व्यक्तिहरुलाई मास्क अनिवार्य गरिएको छ । केही दिन अगाडी मात्रै डिसिसिएमसि हुम्लाले गरेको निर्णय अनुसार वजारमा आवत जावत गर्ने व्यक्तिहरका लागि मास्क अनिवार्य गरेको छ ।

डिसिसिएमसि हुम्लाले गरेको निर्णयलाई उलंघन गर्ने जोकोहीलाई कार्वाही गर्ने भएको डिसिसिएमसि हुम्लाका संयोजक एवम् प्रमुख जिल्ला अधिकारी गणेश आचार्यले बताए । त्यस्तै कोविड १९ वयवस्थापन समिति केन्द्र हुम्लाले पहिलो चरणमा दुई दिनसम्म कोभिड सम्वन्धिको बजारमा सुचना मुलक शन्देश मार्फत सम्झाई बुझाई गरिएको, दोस्रो पटक बजारमा मास्क नलगाउनेहरुलाई एक दुई घण्टा सम्म नियन्त्रणमा लिएर कार्वाही गरेको थियो भने तेस्रो पटक अर्थात हिजोबाट मास्क नलगाएर अटेरी गर्नेेलाई एक सय रुपैयाँ जरिवाना गरिएको र त्यसलाई एउटा मास्क समेत दिएर पठाइएको प्रजिअ आचार्यले जानकारी दिए ।

प्रजिअ आचार्यका अनुसार यदि यस्तो गर्दा पनि नमानेको खण्डमा डिसिसिएमसि हुम्लाले कडारुप लिने सक्ने भएको छ । हुम्ला जिल्ला कोभिड व्यवस्थापन समितिले स्वास्थ्य मन्त्रालयमा किडको व्यवस्थाको लागि पहल गरिएको प्रजिअ आचार्यको भनाई छ । “उनले भने” अवको केही दिन भित्र जिल्ला बाहिर नेपालगञ्ज र सुर्खेतबाट हवाई मार्फत आएका व्यक्तिहरुलाई एनटिजेन परिक्षण गर्ने भएका छौँ ।

एनटिजेन परक्षणमा कोभिड–१९ पोजेटिभ भएकालाई क्वारेन्टाइनमा राख्ने व्यवस्था गर्ने भएको छ भने नेगेटिभ भएकाहरुलाई घर फर्काउने प्राव्धान गरिने भएको छ । त्यस्तै वजारमा विना मास्क हिडडुल गरेका ४३ जना मानिसहरुलाई एक सय रुपैयाँका दरमा जिल्ला प्रशासन कार्यालयको रसिद काटिएको छ ।

सो व्यक्ति मधय हिजो पहिलो दिन शानिवार मात्रै ३५ जनालाई जरिवाना गरिएको थियो भने वैशाख १९ गते दिउसो १ वजे सम्ममा आठ जना व्यक्तिहरुलाई पनि प्रहरीले सो रकम जरिवाना गरेको हो । हालसम्म वजारमा विना मास्क हिडडुल गर्ने ४३ जना व्यक्तिहरुबाट ४ हजार ३ सय रुपैयाँ संकलन गरेको प्रजिअ आचार्यको भनाई छ ।