सिएफडि नेपाल हुम्लाद्धारा स्वास्थ्य संस्थालाई स्वास्थ्य सामग्रि सहयोग

विकासका लागि साझ मञ्च (सिएफडि) नेपाल हुम्लाद्धारा स्वास्थ्य संस्थाहरुलाई स्वास्थ्य सामग्रि हस्तान्त्रण गरिएको छ । देश भरिनै दस्रो लहरको युके भेरिएन्ट कोभिड १९ को महामारिले हुम्लामा पनि अछुतो नरहेपछि सिएफडि नेपाल हुम्लाले वैशाख २१ गते स्वास्थ्य सामग्रि हस्तान्त्रण गरेको हो ।

स्वाथ्य सामग्रि सिमकोट गाउँपालिका वार्ड नम्वर ७ को डाँडाफया स्वास्थ्यचौकीलाई हस्तान्त्रण गरिएको सिएफडि नेपाल हुम्लाका प्रमुख सौरफ लामाले जानकारी दिए । विगत लामो समयदेखि स्वास्थ्य सम्वन्धि काम गर्दै आएको सिएफडी नेपाल हुम्लाले पुनः विभन्न स्वास्थ्य संस्थाहरुमा औषधिको अभाव नहोस भन्ने उदेश्यका सथा उक्त सामग्रि सहयोग गर्दै आएको छ ।

उक्त संस्थाका संयोजकको नेतृत्वमा डाँडाफया स्वास्थ्य चौकीमै पुगेर ६२ प्रकारका औषधि र कोभिड १९ बाट बच्नका लागि स्वाथ्यकर्मीका लागि चारवटा पिपि सेट, सेनिटाइजर, डिटोल साबुन, सर्जिकल मास्क, लगायत गलव्स जस्ता अत्यआवश्यक स्वास्थ्य सामग्रि हस्तान्त्रण गरिएको डाँडाफया स्वास्थ्यचौकीका इन्चार्ज सन्तोष बोहराले बताए ।

स्वास्थ्य संस्थाहरुलाई नेपाल सरकारले निशुल्क रुपमा सहयोग गर्दै आएको औषधि बाहेकका ६२ प्रकारका औषधि सो संस्थाले उपलव्ध गर्दा डाँडाफया स्वास्थ्यचौकीलाई निकै राहत भएको इन्चार्ज बोहराको भनाई छ ।

त्यस्तै उक्त सिएफडि नेपाल हुम्लाले अवको केही दिनपछि सिमकोट गाउँपालिका वार्ड नम्वर २ को ठेहे स्वास्थ्यचौकी र वडा नम्वर १ को कुम्लिक जिउलाको सामुदायीक स्वास्थ्य इकाईलाई पनि सोही सामाग्रि तथा औषधि सहयोग गर्ने भएको सिएफडि नोपल हुम्लाका संयोजक लामाले बताएका हुन ।