हुम्लामा संक्रमितको स्ंख्या १२ पुग्यो

समुदाय स्तररमा संक्रमण फैलिएको हिमाली जिल्ला हुम्लामा थप एक जनामा संक्रमण पुष्टी भएको छ । जिल्ला अस्पताल हुम्लामा आइतवार २४ जनालाई एन्टिजेन परिक्षण गर्दा एक जना पुरुषमा कोरोना पोजिटिभ देखिएको छ ।

आज गरिएको परिक्षणमा २४ जना मध्य जिल्ला हुलाक कार्यालयका २८ वर्षिय एक पुरुषमा संक्रमण पुष्टी भएपछि जिल्लामा कूल संक्रमितको संख्या १२ पुगेको जल्ला अस्पतालका सुचना अधिकारी भक्ति फडेराले जानकारी दिए ।

केही दिन अघि जिल्ला बाहिरबाट आएकाहरुमा देखिएको संक्रमण अब समुदाय स्तरमा फैलिएको बताएका फडेराका अनुसार आज संक्रमण पुष्टी हुनेमा एक जना पुरुष रहेका छन् ।

आज कोरोना संक्रमित देखिएका पुरुषमा सामान्य रुघाखोकिको लक्षण देखिएको भए पनि स्वास्थ्य अवस्था भने सामान्य रहेको बताइएको छ ।
त्यस्तै कोरोना संक्रमित भएका पुरुषलाई स्वास्थ्य सेवा कार्यालयको रानीवन स्थित आइसोलेशनमा राखिएको स्वास्थ्य स्रोतले जनाएको छ ।

आजै कोरोना रिर्पोट पोजेटिभ देखिएका पुरुषको कन्ट्याक ट्रसिंगमा रहेका व्यक्तिहरुलाई सोमबार एन्टिजेन परिक्षण गरिने भएको छ ।
त्यस्तै नाम्खा गाउँ पालिका केन्द्र यालवांगमा पनि आज तीन जनाको एन्टिजेन परिक्षण गर्दा सवैको रिर्पोट नेगटिभ आएको सुचना अधिकारी फडेराको भनाई छ ।