सडक अपरुद्ध भएपछि बोलेरो जिप सञ्चालनमा समस्या

सडक अपरुद्ध भएपछि बोलेरो जिप सञ्चालनमा समस्या भएको छ । सदरमुकाम सिमकोटदेखि बरगाउँ हुदै दोजामसम्मको सडक अपरुद्ध हुँदा आवत जावतमा समस्या भएको छ ।

दैनिक रुपमा सदरमुकाम सिमकोदेखि यात्रुहरुलाई गाउँ गाउँमा लिनका लागि सञ्चालनमा रहेको सिमकोट रलिङ सडक खण्ड अपरुद्ध हुँदा गाडि सञ्चानमा सास्ती भएको छ ।

सिमकोट गाउँपालिका वार्ड नम्वर ४ को बुराउँसेको हुमाने खोला, वडा नम्वर २ स्थित प्याङप्याङ खोलामा माथिबाट खसेको ढुङगा माटोले सडक अपरुद्ध बनाएपछि समस्या आएको हो । सडक अपरुद्ध भएपछि विभिन्न कामका लागि आवत जावत गर्ने यात्रुलाई सास्ती खेप्नु परेको एक जना स्थानीय निमा लामाले गुनासो गरेका छन् ।

केही दिन मात्रै सिमकोट गाउँपालिका वार्ड नम्वर १ र २ को स्वास्थ्य संस्थाहरुमा सिएफडि नेपालद्धारा सहयोग गरिएको औषधि लिएर जाँदा गाडी पास नहुँदा दुईवटा बोलेरो जिपहरु फिर्ता भएको लामाले बताए । दुई चार जना यात्रुले भत्केको सडक मर्मत गरेपछि मात्रै उक्त औषधि पुगाउन सफल भएको गाडि चालक नर बहादुर लामाको भनाई छ ।

पटक पटक उक्त सडक मर्मत गर्दा पनि माथिबाट आएको रेलो माटो र ढुङगाले सडक अपरुद्ध हुने गरेको हो । सडक अपरुद्ध भएपछि त्यस क्षेत्रका विरामीहरुलाई सदरमुकाम सिमकोट पुराउनलाई निक्कै जोखिम भएको स्थानीयले गुनासाे गरेका छन । उक्त सडकको मर्मतका लागि सम्वन्धित सरोकारवाला निकायको समयमै ध्यान जानु जरुरत छ ।