निषेधाज्ञाको सातौं दिनसम्म आईपुग्दा सुनसान बनिरह्यो सिमकोट

हुम्लामा २१ गते रातिबाट भएको निषेधाज्ञाले सातौं दिनसम्म आईपुग्दा सिमकोट बजार क्षेत्र सुनसान भएको छ । गएको मंगलबार राति १२ बजेबाट डिसिसिएमसिले जिल्लाचभर निषेधाज्ञा जारी गरेपछि बुधबार बिहानबाट प्रहरी परिचालन भएका कारण आजको दिनसम्म आइपुग्दा यहाँका नागरीकले निषेधाज्ञा पूर्ण रूपमा पालना गरेका छन् । एक हप्ता देखि जिल्लामा निषेधाज्ञा लगाइएकाले सिमकोट सुनसान देखिएको छ ।

सिमकोट बजार क्षेत्र सहित गाउँघरबाट सिमकोट पुग्ने मुख्य नाकामा खटिएका सुरक्षाकर्मीहरु कडारुपमा प्रस्तुत हुने गरेका कारण पनि सिमकोटमा निषेधाज्ञाको पूर्ण पालना भएको देखिन्छ । 

सिमकोट बजार क्षेत्र ठप्प भईरहेको छ भने प्रत्येक दिनको विहान सात बजे देखि १० बजे सम्म तीन घण्टाका लागी सिमकोट बजारमा सञ्चालीत पसलहरु खुल्ला हुने गरेका छन् भने अन्य समय बजार क्षेत्र सुनसान देखिएको छ । खाद्ययन्न तथा दैनिक उपभोग्य सामान बजारवासिलाई निषेधाज्ञाको समयमा अभाव हुन नदिनका लागी दैनिक दिनको विहान तीन घण्टा पसलहरु सञ्चालनमा आईरहेका छन् ।

सिमकोटमा सञ्चालीत सरकारी तथा गैरसरकारी कार्यालयमा सेवाग्राहीको उपस्थित नहुँदा कामकाज ठप्प भएका छन् । एक दर्जन बढी सिमकोटमा रहेका बैंक तथा बित्तिय संस्थाहरुको समेत कारोबार ठप्प भएको छ भने राष्ट्रिय बाणिज्य बैंक र सिटिजन्स बैंकमा एटिएमबाट कारोबार भने भईरहेको जानकारी प्राप्त भएको छ ।

निषेधाज्ञाको समयमा अन्तरजिल्ला जोड्ने एक मात्रै हवाई सेवा जिल्लामा भएको निषेधाज्ञाको दुईदिन पछि नेपालगञ्ज सुर्खेतबाट सञ्चालन हुँदै आएका छन् । सिता एयरले खाद्य व्यवस्था तथा व्यापार कम्पनि लिमिटेडको खाद्ययन्न ढुवानी गरीरहेको छ भने तारा एयर र समिट एयरले बजार वयवसायिको सामाग्री देखि ठेकेदार कम्पनीहरुको कारगो सामान ढुवानी गरीरहेको सिमकोट विमानस्थल श्रोतले जानकारी दिएको छ ।

कोरोना संक्रमणको त्रासले जिल्ला अस्पतालले आकस्मिक र गर्भवती सेवाबाहेक अन्य सेवा बन्द गरीएको अस्पतालका सिनियर अनमी सरिता बोहराले बताईन् । दैनिक दिन कोरोना परीक्षणका लागी यहाँका नागरीक अस्पतालमा पुग्ने गरेका छन् । खेतीपातीको समय भएका कारण गाउँघरका किसान भने आफ्नो काममा व्यस्त देखिएका छन् ।

प्रहरीले दिनभरि गस्ती गर्ने गरेका कारण सिमकोट बजार क्षेत्र भने पूर्ण रूपमा बन्द देखिएका छन् । यो समयमा कुनै अवज्ञाको घट्ना नभएको पाइन्छ ।