हुम्लाका पाँच गाउँपालिकामा फैलियो कोरोना

सातवटा गाउाँपालिका रहेको हिमाली जिल्ला हुम्लाको पाँचवटा गाउँपालिकामा कोरोना संक्रमणको दर बढ्दो क्रममा रहेको छ । पाँच वटा गाउँपालिकामा रहेका ग्रामिण वस्तिहरुमा कोरोनाको आशंका लागेपछि परीक्षण गर्दा संक्रमितको संख्या दैनिक बढ्दै गएको छ ।

खार्पुनाथ र उत्तरी क्षेत्रमा रहेको नाम्खा गाउँपालिका बाहेक जिल्लाका अन्य सिमकोट, सर्केगाड,चंखेली, ताँजाकोट र अदानचुली गाउँपालिकामा कोरोना संक्रमित भेटिएर संक्रमणको जोखिम बढेको छ । नाम्खा र खार्पुनाथ गाउँपालिकामा अहिले सम्म परीक्षण नगर्दा संक्रमित नभेटिएको पाइएको छ ।

हालसम्म जिल्लाका पाँचवटा गाउँपालिकामा ३९४ जनामा कोरोना परीक्षण गर्दा ७५ जनामा कोरोना संक्रमण पुष्टिभएको छ भने ११ जना डिस्चार्जभएपछि ६२ जना सक्रिय संक्रमित रहेका छन् भने एक्जनालाई जिल्ला बाहिर रिफर गरीएको छ ।

हालसम्म ताँजाकोट गाउँपालिका ९८ जनामा परीक्षण गर्दा २९ जनामा संक्रमण पुष्टि भएको छ । अदानचुलीमा २० जनामा परीक्षण गर्दा ७ जना, सर्केगाड गाउँपालिकामा ७४ जनामा परीक्षण गर्दा ११ जनामा संक्रमण पुष्टि भएको छ भने चंखेली गाउँपालिकामा आज ४४ जनामा परीक्षण गर्दा ८ जनामा कोरोना संक्रमण पुष्टिभएको जिल्ला जनस्वास्थ्य सेवा कार्यालय ह्ुम्लाका सूचना अधिकारी भक्ति फडेराले जानकारी दिए । यस्तै सदरमुकाम सिमकोटमा रहेको जिल्ला अस्पताल गरीएको परीक्षणमा हालसम्म २० जना संक्रमण देखिएको थियो भने आठ जना सक्रिया संक्रमित रहेका छन्, भने एक् जनालाई जिल्ला बाहिर रिफर गरीएको छ ।

जिल्लाका स्थानीय तहले आफ्ना माताहतका गाउँहरुमा बिरामी संख्या बढेपछि आफ्नै लगानी गरेर एन्टिजेन किट खरिद गरि कोरोना परीक्षणको दायरालाई बढाई रहेका छन् ।

पहिलो पटक नेपालगञ्ज र सुर्खेतबाट आएका आठ जना यात्रुको सिमकोट विमानस्थलमा कोरोना परीक्षण गर्दा रिपोर्ट पोजेटिभ आएको थियो ।
त्यसयता दैनिक रुपमा स्वास्थ्य सेवा कार्यालयले कोरोना परीक्षण गरिरहेको र संक्रमित फेला पर्ने क्रम बढिरहेको कार्यालय प्रमुख प्रेमबहादुर सिंहले बताए ।