थप ११ जनामा संक्रमण पुष्टि, जिल्लाभर संक्रमितको संख्या एक सय एघार पुग्यो

जिल्लाका स्थानीय निकायले आ आफ्नो गाउँपालिकाका रहेका वडाका  विभिन्न गाउँबस्तिहरुमा परीक्षणको दायरालाई बढाएसँगै जिल्लामा संक्रमितको संख्यामा बृद्धि हुँदै गएको छ ।

आज जिल्लाका विभिन्न क्षेत्रमा एन्टिजेन विधिबाट कोरोना परीक्षण गर्दा थप ११ जनामा संक्रमण पुष्टि हुँदा जिल्लामा संक्रिय संक्रमितको संख्या एक सय ११ जना पुगेको छ । जिल्ला अस्पताल हुम्लामा आज २१ जनालाई कोरोना परीक्षण गर्दा तीनजनामा संक्रमण पुष्टि भएको जिल्ला जनस्वास्थ्य सेवा कार्यालय हुम्लाका सूचना अधिकारी भक्ति फडेराले बताए ।

यस्तै जिल्लाको खार्पुनाथ गाउँपालिकामा हिजो र आज गरी १५ जनालाई परीक्षण गर्दा पाँच जनामा संक्रमण पुष्टि भएको गाउँपालिका स्वास्थ्य संयोजक बलिराज शाहीले जानकारी दिए । संक्रमित हुने सबै  वडा एक गोप्का गाउँका रहेको शाहीले बताउनुभयो ।

यसै गरी ताँजकोट गाउँपालिकामा आज एक जनामा कोरोना संक्रमण पुष्टि भएको छ । दुई जनालाई कोरोना परीक्षण गर्दा एक जनामा संक्रमण पुष्टि भएको गाउँपालिका स्वास्थ्य संयोजक राजेन्द्र स्यांकुले जानकारी दिए । आज सम्म ११ जनाले कोरोना संक्रमण जितेर घर गएको र गाउँपालिकामा संक्रिया संक्र,मितको संख्या १९ जना रहेको उनले बताए ।

यस्तै जिललाको सर्केगाड गाउँपालिकामा २ जना र अदानचुली गाउँपालिकामा एक जना गरेर जिल्ला भर संक्रमितको संख्या १ सय ११ पुगेको छ भने जिल्लाका विभिन्न क्षेत्रबाट २९ जना डिस्र्चाज र एक जना जिल्ला बाहिर गएपछि जिल्लामा संक्रिय संक्रमितको संख्या ८२ जना रहेको जिल्ला स्वास्थ्य सेवा कार्यालय हुम्लाले जानकारी दिएको छ ।

यस्तै जिल्ला स्वास्थ्य सेवा कार्यालय हुम्लाले भोली देखि दिउँसो एक बजेबाट कोरोना परीक्षण गर्ने भएको सुना अधिकारी भक्ति फडेराले बताए । विहान दश बजेबाट परीक्षण गर्दैआएको भएपनि परीक्षणको समय तालिका परिवर्तन भएको भोलि देखि एक बजेबाट परीक्षण हुनेभएको हो ।