निषेधाज्ञाको मौका छोप्दै सामुदायीक वन फडानी बढ्यो

जिल्ला भरि निषेधाज्ञाको मौका पार्दै गाउँमा बनजङ्गल फडानी गर्ने र चोरी सिकारीको संख्यामा वृद्धि भएको छ । पछिल्लो समय कोभिड १९ संकट व्यवस्थापन केन्द्र हुम्लाले वैशाख २२ गतेदेखि निषेधाज्ञा जारी गरेपछि हुम्ला जिल्लाका सात वटै गाउँपालिकामा रहेका सामुदायीक वनजङ्गलहरु फडानी गर्ने संख्या बढेको स्थानीयले बताएका छन् ।

निषेधाज्ञा गरेको मौका छोप्दै खार्पुनाथ गाउँपालिका वार्ड नम्वर ४ को नल्ना र छिप्रामा रहेको पानीमुल सामुदायीक वन चोरीमारि गरी फडानी गरेको खार्पुनाथ गाउँपालिका वार्ड नम्वर ४ नल्ना गाउँका स्थानीय टेकबहादुर शाहीले बताए । वन फडानीमा सोही गाउँपालिकाकै जनप्रतिनिधिहरुले आफ्ना आफन्तहरुलाई प्रयोग गरेको शाहीले आरोप लगाएका छन् ।

जिल्लामा निषेधाज्ञा भएको मौका छोपि खार्पुनाथ गाउँपालिका भित्रका स्थानीय वासीन्दाहरु लुकिछिपी गरेर आलो काठ दाउरा चोरी सिकारी लगायत बन फडानी गर्ने गरेको शाहीको भनाई छ । उनले भने पानीमुल बन उपभोक्ता समितिका कार्यसमितिका व्यक्तिहरुलाई यसरी बन फडानी गर्न नदिन आग्रह गर्दा पनि व्यवास्ता गरेको बताइएको छ ।

वेला वेलामा वनजङ्गल फडानी गरेपछि हाल बनजङ्गल नै सकिदा समेत उपभोक्ता समितिले भने सुनुवाई नगेरेको खुलसा भएको छ । त्यस्तै हुम्लाका अधिकांस बन क्षेत्रमा लुकिछिपी जंगल फडानी गर्ने र चोरी सिकारी गर्नेको संख्यामा वृद्धि भएको स्थानीयले बताएका छन् । 

वनजङ्गल फडानी हुन दिनका लागि विशेष भूमिका स्थानीय तहको रहेको र जिल्ला डिभिजन वन कार्यालयको पनि समन्वयमा नियन्त्रणका लागि पहल भई रहेको डिभिजन वन कार्यालय हुम्लाका प्रमुख रेनुका न्यौपानेले प्रतिकृया दिइन् । “उनले भनिन्” सो कार्यालयका सामाजिक परिचालकहरु फिल्डतिर गएको र स्थानीय तहका जनप्रतिनिधिहरुसंग सहकार्य गर्दै गरेका छन् ।