१५ वटा बङगुर मर्दा साढे सात लाख बरावरको क्षेती

स्थानीय स्तरमा उम्रिएको सिस्नो र आटोको खोल्या (फाँडो) पकाएर खुवाउँदा सदरमुकाम सिमकोट नजिकैको स्याप्ने खोलामा १५ वटा बङगुर मरेका छन् । जेठ १४ गते सिमकोट गाउँपालिका वार्ड नम्वर २ ठेहेका स्थानीय करण सुनारका सिस्नो र खोल्या (फाँडो) पकाएर खुवाउँदा घटना भएको हाे ।

नियमित रुपमा व्यवसायी गर्दै आएका सुनारका २० वटा बङगुर मध्य पाँच बङगुर विक्रि गरि सेकेको र बाँकी रहेका १५ वटा बङगुर पनि मरेर गएको बङगुर मालिक सुनारले बताए । ठूलो रकमको बङगुरमा घटना हुँदा हाल बङगुर बस्दै गरेको खोर रित्तो भएको छ । एक्कासी यत्रो संख्यामा बङगुर मरेपछि बङगुर मालिकले जेठ १५ गते सिमकोट गाउँपालिका पशु सेवा शाखा र प्रहरीलाई जानकारी गरिएको सुनारले बताए ।

सिमकोट गाउँपालिका वार्ड नम्वर ४ को स्याप्ने खोलामा पालन पोषण गर्दै आएका सुनारका १५ वटा बङगुर मरेपछि व्यवसाय संकटमा परेको सुनारले दुखेसो पोखे । सानो लगानीबाट व्यवसाय अंगाल्दै आएका सुनारको आर्थिक आम्दानी भने खस्किदो र ओरालो लाग्ने भएको दुःख व्यक्त गरेका छन् ।
विशेष गरेर गाउँ नजिकै खोतबारीमा पर्याप्त मात्रामा पाइने सिस्नो र आटो पकाएर खुवाउँदा सो बङगुर मरेको सुनारको भनाई छ ।

जेठ १४ गते शुक्रबार दिउसो आफ्नै बस्ने खोरमा बङगुर मरेपछि खार्पुनाथ प्रहरी चौकीले प्रहरी मुचुल्का समेत गरेको थियो । यतिखेर प्रति बंगुरको ४० देखि ५० हजारसम्म पर्ने गरेको छ । सवै गरेर करीव साढे सात लाख रुपैयाँ बरावरको लगानी क्षेती भएको स्थानीय सुनारले गुनासो गरे ।