USA बाट जिल्ला अस्पताललाई २० लाख बराबरको कोभिड सामाग्री सहयोग

जिल्ला स्वास्थ्य सेवा कार्यालय अन्तर्गत रहेको जिल्ला अस्पतालको सेवालाई थप प्रभावकारी बनाउने उद्देश्यले स्वास्थ्य संस्थामा आवश्यक पर्ने उपकरण तथा कोभिड सामाग्री सहयोग गरिएको छ । हाल USA मा बस्दै आउनुभएका सिमकोट गाउँपालिका वडा ३ का तोर्पा गाउँका टेम्पा डुक्ती लामा आवद्ध रहेको ओल्मो लिङ बोन सेन्टर एण्ड इन्स्टिच्युट संस्थाले रु २० लाख मुल्य बराबरको विभिन्न कोभिड स्वास्थ्य सामाग्री तथा उपकरण सहयोग गरेका छन् ।

जिल्ला अस्पताल हुम्लामा कार्यरत नर्स केसाङ लामाले कोभिड स्वास्थ्य सामाग्री पठाउन डुक्ती लामालाई माग गरेपछि सो संस्थाले सहयोग स्वरुप विदेशबाट पठाउनुभएको हो । यसले गर्दा कोभिड उपचारमा जिल्ला अस्पताललाई थप सहयोग पुग्ने भएको छ । हुम्लामा समेत दोस्रो लहरमा फैलिएको नयाँ भेरियन्ट कोरोना भाइरसका संक्रमितको संख्यामा वृद्धि भएपछि उनिहरुको उपचार तथा आइशोलेसनमा आवश्यक पर्ने कोभिड स्वास्थ्य सामाग्री सहयोग गरीएको हो ।

USA बाट लामाले पठाउनुभएका १६ प्रकारका कोभिड स्वास्थ्य सामाग्री उपकरण जिल्ला अस्पतालका नर्स केसाङ लामाले जिल्ला अस्पतालका मे.सु तथा डाक्टर टासी आङजुक लामालाई हस्तान्तरण गर्नुभएको हो ।

समुदायमा फैलिएको कोरोना नियन्त्रण तथा स्वास्थ्य सेवालाई प्रभावकारी बनाउन र नागरिकको सेवामा सहज गराउन सामग्री तथा उपकरण सहयोग गरिएको नर्स लामाले बताईन् ।

रु २० लाख मुल्य बराबरको अक्सिजन, कन्सन्ट्रेटर, मोनिटर, एचडिउ बेड, एचएफ एनपि सेट , (HFNC) र आईशोलेसनमा बसी रहेका संक्रमितहरुका लागी चाहिले अतिआवश्यक सहित महत्वपूर्ण कोभिड सामाग्री सहयोग पाएको जिल्ला अस्पतालका डाक्टर लामाले बताए। USA बाट लामा महंगो तथा अति आवश्यक पर्ने कोभिड सामाग्री सहयोग गरेका छन् ।

सामग्री हस्तान्तरण गर्दै नर्स लामाले स्वास्थ्य संवेदनशील क्षेत्र भएकाले यसमा सबैले ध्यान दिनु पर्ने बताईन् । उनले स्वास्थ्य संस्थामा आवश्यक सामग्री आफुले USA मा रहेका लामालाई सहयोगको माग गरेको र सोही अनुसार आपुर्तिभएको जानकारी दिईन् । अब कोभिड लगायत अन्य सेवामा गुणस्तर बढाउन स्वास्थ्य संस्थालाई थप सहज भएको छ । डुक्टी लामाले जिल्ला अस्पताललाई सामग्रीको सही सदुपयोग र उपयोग गर्न समेत आग्रह समेत गरेको बताइएको छ ।