अग्रपङ्गतीमा खटिने स्वास्थ्यकर्मी जोखिममा, जिल्लाका तीन जना संक्रमित

विश्वलाई आक्रान्त पार्ने गरेर फैलिएको युके र इण्डियन भेरियन्टको कोरोना संक्रमणको त्रासले सबैलाई त्रसित बनाए पनि स्वास्थ्यकर्मीले भने ज्यान जोखिममा राखेर अग्र पंतीमा खटिनु परेको छ । घर, परिवार, इष्टमित्र, दिन रात नभनेर संक्रमण नियन्त्रण तथा संक्रमितको उपचारमा तल्लीन स्वास्थ्यकर्मी आफै संक्रमणको शिकार हुनु परेको छ । कोरेना विद्धको लडाइमा अग्रमोर्चामा रहने स्वास्थ्यकर्मी मध्ये जिल्लाका तीनजना अहिले संक्रमित हुनु परेको छ ।

दोस्रो नयाँ भरियन्टसहितको दोस्रो लहरको कोरोना संक्रमण फैलिएसँगै नियन्त्रणको लागी अग्रपंतिमा खटिने स्वास्थ्यकर्मीले जोखिम मोल्नु परेको छ । संक्रमणको दोश्रो लहर फैलिएपछि हुम्लामा तीन जना स्वास्थ्यकर्मीमा संक्रमण पुष्टिभएको छ भने एक जनालाई जिल्ला बाहिर समेत रिफर गरीएको छ । दक्षिण क्षेत्रमा परीक्षणको दायरालाई जति बढायो त्यति नै संक्रमितको संख्या बढ्दै गएको छ । आफूले ज्यान जोखिममा राखेर कोरोना विरुद्ध लड्नु परेपनि सरकार र सम्बन्धित निकायले चासो नदिंदा आफूहरुको मनोबल उच्च नरहेको सर्केगाड गाउँपालिकामा कार्यरत स्वयम् स्वास्थ्यकर्मी अहेब बबरजङ्ग पालले बताए ।

संक्रमित र अन्य बिरामीको उपचारमा जान जिल्लाका स्वास्थ्यकर्मीलाई न कोरोना संक्रमणबाट बच्ने भरपर्दा स्वास्थ्य उपकरण छन, न आवत जावत गर्न सहज नैं छ ।

मुगुसँगको सिमाना जोडिएको नाकामा सामान्य स्वास्थ्य सामाग्रीमा अग्रमोर्चामा जानु पर्दा आप्mनै ज्यानको बाजी राख्नुपरेको दुःखेसो चंखेली गाउँपालिकाका स्वास्थ्यकर्मी नरप्रसाद जैसिको छ ।

पैदल यात्रा भएर जिल्ला भित्री मुख्य दुईवटा नाका रहेको चंखेली गाउँपालिकामा कार्यरत स्वास्थ्यकर्मीले थप जोखिम मोलेर काम गर्नु परेको छ । सिमा नाकाको हेल्थ डेस्कमा खटिने स्वास्थ्यकर्मीले झन जोखिम मोलेर खटिनुपरेको स्वास्थ्यकर्मी जैसिले बताए ।

गाउँमा मात्रै होइन सदरमुकाम सिमकोटमै कार्यरत स्वास्थ्यहरुको अवस्था पनि पृथक छैन् । तीनै तहका सरकारले प्रदान गर्ने भनेको अतिरिक्त समयको भत्ता र आवश्यक स्वास्थ्य सावधानीका सामाग्री नहुँदा ज्यानलाई हत्केलामा राखेर काममा खट्नु परेको जनस्वास्थ्य कार्यालयका सूचना अधिकारी भक्ति फडेराले बताए ।

गएको वैशाख १८ गते कोरोना संक्रमणको परिक्षण सँगै संक्रमित भेटिए यता चंखेली, सर्केगार्ड र खार्पुनाथ गाउँपालिकामा गरेर तीनजना स्वास्थ्यकर्मी संक्रमित भैसकेको सूचना अधिकारी फडेराले बताए ।

संक्रमित हुने सर्केगार्ड गाउँपालिकाका स्वास्थ्य शाखा प्रमुखलाई थप उपचारका लागि लाखौं खर्च गरेर जिल्ला बाहिर लिनु परेको छ ।

नागरिकको जीवन रक्षाका लागि अग्रपक्तिंमा अहोरात्र खट्ने स्वास्थ्यकर्मीको मनोवल उचो राख्न नागरिक र जिम्मेवार निकालयले समयमै ध्यान दिने होइन भने आफू जलेर अरुलाई उज्यालो दिने मैनबत्तिका प्रतिक मानिने स्वास्थ्यकर्मीकै काम गर्ने इच्छाशक्तिमा कमि नआउला भन्न सकिन्न ।