जिल्ला दर रेट समितिले निर्माण सामाग्री र ज्यालाको रेट कायम गर्यो

जिल्ला दररेट समिति हुम्लाको बैठक सम्पन्न भएको छ । आगामी आर्थिक वर्ष ०७८÷७९ का लागि जिल्लामा आवश्यक निर्माण सामाग्री, श्रमीकको ज्याला लगायतका विषयमा बदलिँदो परिवेश अनुसार दर रेट तय गर्न समितिको बैठक बसेको जिल्ला दररेट समितिका अध्यक्ष तथा प्रमुख जिल्ला अधिकारी गणेश आचार्यले जानकारी दिनुभयो ।

हरेक आथिक वर्ष परिवर्तित समय र परिवेश अनुसार जिल्लाको रेट कायम गर्ने नियामानुशार समितिको बैठ बिहिबार अपरान्ह तीन बजे बसेर सम्पन्न भएको जिल्ला प्रशासन कार्यालय हुम्लाले जानकारीएको छ।

राष्ट्रिय सडक सञ्चालमा नजोडिएको एकमात्रै जिल्लाको उपमा पाएको हुम्लामा निर्माण सामाग्री आयात गर्न हरेक आर्थिक वर्ष महंगो हुँदै जाने भएपछि समितिले सोही अनुसार निर्माण सामाग्री र ज्यालादारीमा काम गर्ने श्रमीकिको ज्याला समेत तोकिएको छ । ज्यालादारीमा काम गर्ने दक्ष, अर्धदक्ष र अदक्ष कामदारको दैनिक ज्याला, सामाग्री ढुवानीको दर देखि निर्माण सामाग्री आयात गर्न लाग्ने भाडा समेत समितिको बैठकले तय गरेको समितिका सदस्य सचिव तथा पूर्वाधार विकास कार्यालयका प्रमुख देवी ऐडीले जानकारी दिनुभयो ।