हुम्लामा सुरक्षा भत्ता बैंक खातामा जम्मा गर्नेमा सिमकोट गाउँपालिका पहिलो

लामो समयदेखि रोकिएको सामाजिक सुरक्षा भत्ता सिमकोट गाउँपालिकाले बैँक खातामा जम्मा गरेको छ । नेपाल सरकारको प्राप्धान अनुसार स्थानीय गाउँपालिकाहरुले जिल्लाका ज्येष्ठ नागरिक, अपङ्गगाता भएका व्यक्ति र एकल महिलाहरुको सामाजिक सुरक्षा भत्ता बैँकमा जम्मा गर्न सुरु गरेको सिमकोट गाउँपालिका स्रोतले जनाएको छ ।

यो भन्दा पहिला सामाजिक सुरक्षा भत्ता वडा कार्यालय मताहत वितरण गर्ने गरेको भए पनि सरकारको निति अनुसार प्रति व्यक्तिहरुको आफ्नै खाता खोलेर पैँसा जम्मा गर्ने गरेको हो । जिल्लामा सम्पुर्ण सामाजिक सुरक्षा भत्ता प्रति व्यक्तिको खातामा जम्मा गर्ने गाउँपालिका मध्ये सिमकोट गाउँपालिका पहिलो गाउँपालिका बनेको छ ।

यस अघि सिमकोट गाउँपालिकाका अधिकांस ज्येष्ठ नागरिक, अपङ्गगाता भएका व्यक्ति, र एकल महिलाहरुले सदरमुकाम सिमकोटमै आएर खाता खोलेपछि सो भत्ता जम्मा भएको हो । दुई प्रतिसत जिल्ला बाहिर रहेका नागरिक बाहेक अन्य ९८ प्रतिसत नागरिकहरुको सामाजिक सुरक्षा भत्ता भने सेवाग्राहीको बैंक खातामा रकम जम्मा भएको समकोट गाउँपालिका निमित्त प्रमुख प्रशासकीय अघिकृत उजिर रोकायाले बताए ।

उनका अनुसार दुई प्रतिशत सेवाग्राही पनि जिल्लाबाहिर भएका कारण खाता खोल्न नसकिएपछि समस्या आएको र उनिहरुको पनि केही विकल्प बनाउन सकिने भएको छ । पहिले निकासा नआएको र सेवाग्राहीले बैंक खाता खोल्न ढिलो गरेका कारण वार्षिक रूपमा उक्त भत्ता बैंक खातामा पठाएको गाउँपालिकाले जनाएको छ ।

सिमकोट गाउँपालिकाका सम्पुर्ण सेवाग्राहीले सांग्रिला विकास बैंकमा खाता सञ्चालन गरेको र गाउँपालिकाबाट भत्ता सीधै उक्त खातामा जम्मा भइसकेको छ । पहिलाको तुलनामा यतिखेर बैंक खाता खोल्दा ३ सय ६८ जना सेवाग्राहीको संख्या घटेको छ भने २ हजार ७ सय सेवाग्राहीले बैंकमा खाता खोलेका छन् ।

सामाजिक सुरक्षा भत्ता ज्येष्ठ नागरिकले मासिक ३ हजार, पूर्ण अपङ्गगताले ३ हजार, ६० देखि ६९ वर्षका ज्येष्ठ नागरिक र एकल महिलाले १ हजार ६ सय र बालबालिकाले चार रुपैयाँका दरले पाउँदै आएका छन् । गाउँपालिकाबाट वार्षिक ५ करोड २२ लाख ४६ हजार रुपैयाँ सामाजिक सुरक्षा भत्ताका लागि बैंकमा गएको गाउँपालिकाले जाकारी दिएको छ ।