कोभिड १९ विरुद्धको खोप अभियानमा खटेपछि स्वास्थ्यचौकी बन्द

चार दिनदेखि स्वास्थ्य चौकीमा स्वस्थ्यकर्मी नहुँदा विरामीले सास्ती खेप्नु परेको छ । उत्तरी नाम्खा गाउँपालिका वडा नम्वर ३ को खगाल गाउँमा रहेको स्वास्थ्य चौकी बन्द भएपछि विरामीहरुले सास्ती खेप्नु परेको हो । दैनिक दिन विरामी परेर सो स्वाथ्यचौकीमा उपचारका लागि गए पनि स्वास्थ्यकर्मी नभएको भन्दै विरामी रित्तो हातमा घर फिर्ता हुनु परेको गुनासो गरेका छन् ।

गत असार ३० गतेदेखि स्वास्थ्य संस्थामा स्वास्थ्यकर्मी नभएपछि हाल सो गाउँका स्थानीय नागरिहरुलाई समस्या भएको छ । सोही दिनदेखि कोरोनाविरुद्धको भेरोसेल खोप लगाएर स्वास्थ्यकर्मीले स्वास्थ्यचौकी बन्द गरी नफर्केपछि बिरामीलाई उपचारमा समस्या भएको स्थानीय देव लामाले गुनासो गरे ।

“उनले भने” गाउँमा स्वास्थ्यचौकी बन्द भएपछि हाल विरामी परेका नागरिकलाई जिल्ला अस्पतालमा धाउनु पर्ने बाध्यता भएको हो । आफुले विरामीको उपचारको व्यवस्था र स्वास्थ्यचौकी तत्काल खोलिनु पर्ने भन्दै नाम्खा गाउँपालिकालाई आग्रह समेत गरेको लामाले सुनाए । उक्त स्वास्थ्यचौकीमा हाल ३ जना कार्यरत भएकोमा एक जना स्वास्थ्यकर्मी विरामी परेको र अन्य दुई जना स्वास्थ्यकर्मी सोही गाउँपालिकाको लामा खोल्सीमा कोभिड १९ विरुद्धको खोप आभियानमा गएपछि स्वास्थ्यचौकी बन्द भएको नाम्खा गाउँपालिका स्वास्थ्य शाखाका स्वास्थ्य संयोजक ग्याछो लामाले बताए ।

संयोजक लामाका अनुसार लामा खोल्सीका जेष्ठ नागरिक लेक तिर बसोबास गर्दै आएकाले सोही ठाउँ पुगेर घम्ति शिविर सञ्चालन गर्दा केही ढिलाई भएको प्रतिकृया दिए । चार दिनदेखि बन्द भएको सो स्वास्थ्यचौकी खोल्ने व्यवस्थाका लागि साउन ३ गते विहान १० वजेसम्म स्वास्थ्यकर्मीलाई सो संस्थामा खटिनु पर्ने निर्देशन गरिएको संयोजक लामाले जानकारी दिए ।