संस्थागत रुपमा सुत्केरी गराउँन सफल

हिमाली जिल्ला हुम्लाको नाम्खा गाउँपालिका वडा नम्वर ३ को खगाँलगाउँमा रहेको खगाँलगाउँ स्वास्थ्यचौकीको बर्थिङ सेन्टरमा पहिलो पटक संस्थागत रुपमा सुत्केरी गराउन सफल भएको छ । लामो समयदेखि खगाँलगाउँ स्वाथ्यचौकीमा बर्थिगं सेन्टर सञ्चालन हुँदै आएको भए पनि पहिलो पटक खगालगाउँकी २१ वर्षिया हिसे लामालाई सुत्केरी गराउन सफल भएको नाम्खा गाउँपालिका स्वास्थ्य शाखाका स्वास्थ्य संयोजक ग्याछो लामाले बताए ।

नाम्खा गाउँपालिकाको खगालगाउँका महिलाहरु रुढीबादी परम्परा र अन्ध विश्वासका कारण सो बर्थिङ सेन्टरमा गएर सुत्केरी हुन हिचकिच्याउने, लाज मान्ने प्रवृति भए पनि साउन ५ गतेबाट होम डेलिभरि भन्दा बर्थिंग सेन्टरमै गएर सुत्केरी गराउँदा सुख हुने भएको विश्वस्त छन् । स्वास्थ्यचौकीमा संस्थागत रुपमा नाम्खा गाउँपालिकाको सो सन्टर तेस्रो र हिसे लामा सुत्केरी हुनेमा पहिलो भएको संयोजक लामाले जानकारी दिए ।

सोमबार वेलुकादेखि सुत्केरी व्याथा लागेर खगालगाउँ स्वास्थ्यचौकीको बर्थिङ सेन्टरमा भर्ना भएकी महिलालाई सोही स्वास्थ्य चौकीमा कार्यरत अनमी सोभा रोकायाको अथक प्रयासमा मंगलबार विहान ४ वजे सुत्केरी गराउन सफल भएको बताइएको छ । गाउँको परम्परागत नियमले घर भन्दा बाहिर लिनु हुदैन भन्ने मानसिक्ता गरेको भए पनि वडा नम्वर ३ मा पहिलो पटक संस्थागत रुपमा सुत्केरी गराउन सफल हुँदा केही हौसला बढेको संयोजक लामाको भनाई छ ।

महिलाहरुलाई सुत्केरी व्यथा लागेमा नियमित रुपमा स्वास्थ्य संस्थामा स्वास्थयकर्मी खटाइएको र अवका भावि दिनहरुमा नाम्खा गाउँपालिकाले स्वास्थ्य संस्थाहरुमा सुत्केरी गराए वापतको रकम पनि उपलव्ध गराउने लगायत नियमित रुपमा स्वास्थ्य संस्थामा चेकजाँच गराउन आएमा केही सुत्केरी महिलाहरुलाई उतकृष्ट पुरुषकृत समेत गरिने भएको संयोजक लामाले बताए ।