हवाई कार्गोको भाडादर वृद्धि भएपछि व्यवसायी मर्कामा 

हवाई कार्गोको भाडादर वृद्धिभएपछि सदरमुकाम सिमकोटका व्यवसायी मर्कामा परेका छन् । हुम्लामा हवाई कार्गोको भाडादर २५ प्रतिशतले वृद्धि गरेपछि व्यवसायीले सास्ती खेप्नु परेको छ । हवाई इन्धनको मूल्य नबढेपनि कार्गोको भाडादर बढेको एयरलाइन्सले स्वीकार गरेका छन् ।

केही दिन अघि तीन वटै हवाई जहाजहरुले १ सय रुपियाँ भाडामा पठाइने सामान हाल सिता एयर बाहेक अन्य समिट र तारा एयरले २५ रुपियाँ बढाएर १ सय २५ रुपियाँमा हुम्ला पुगाएको व्यवसायीले गुनासो गरेका छन् । समिट एयर नेपालगंजका बजार व्यवस्थापक उमेश बिसीले यसअघि नेपालगंजबाट सिमकोटका लागि लिदै आएको भाडादर प्रतिकेजीमा १ सय रुपियाँमा ढुवानी गरेको थियो भने यतिखेर १ सय २५ रुपियाँमा ढुवानी गर्दै आएको बताए ।

तर सो एयरलाईन्स काठमाडौंका बजार व्यवस्थापक मन्जनी श्रेष्ठले सामानको माग बढेका कारण भाडा दरमा वृद्धि गर्नु परेको बताईन । उनले भनिन् इन्धनको मूल्यवृद्धि भएको बेला पनि भाडा नबढेता पनि यतिखेर भने ढुवानीको माग निक्कै बढेका कारण भाडा वृृद्धि भएको जानकारी दिईन । त्यसैगरि सुर्खेतबाट पनि प्रतिकेजी ढुवानी भाडादर १ सय १० रुपियाँ पुगेको छ । यसअघि सुर्खेतबाट प्रतिकेजी ८५ रुपियाँमा ढुवानी हुने गरेको थियो ।

इन्धनको मुल्य वृद्धि नहँदा पनि सामनको ढुवानी भाडादर वृद्धि गर्नु राम्रो कार्य नभएको व्यवसायी रामजन रावतले बताए । रावतका अनुसार नेपालगंजबाट करीव चार दिन मात्रै सिता एयरले उडान भर्न नपाउँदै अन्य जहाजहरुले मुल्य वृद्धि गरेको र आफुले १ सय ३० रुपियाँ तिर्दै आएको गुनासो गरे ।

त्यस्तै चर्को हवाई ढुवानी कै कारण हुम्लामा सामानको मुल्य अत्याधिक महंङ्गो पर्ने गरेको छ । नेपालगंज र सुर्खेतबाट हवाई मार्गबाट ढुवानी हुने कार्गोको सामानको ढुवानी गर्ने रोकाया पुस्तक पसलका व्यापारी ज्ञान बहादुर रोकायाले चाडबाडको समयमा भाडा वृद्धि हुँदा मर्कामा परेको बताए ।

पहुँजवाला मात्रै पुग्छन् हुम्ला

जनै पर्णिमा लागेसंगै जिल्ला भित्रिनका लागि नेपालगंज विमान स्थलमा मानिसहरुको निक्कै घुंइचो लाग्ने गरेको छ । हुम्ली नागरिहरुको वर्षको एक पटक मात्रै ठूलो चार्डपर्वको रुपमा मनाईने जनै पुर्णिमाका लागि जिल्ला फर्कनेहरुको सख्यामा वृद्धि भएको पाइएको छ । हुम्ला उडानका लागि नेपालगंज एरपोटमा दैनिक दिन विहान सहभागि भए पनि पहुँज र पावरवालाहरु मत्रै सिमकोट पुगेका छन भने अन्य सर्व साधरणले उडान भर्न नपाएको यात्रुहरुले गुनासो गरेका छन् ।

नेता तथा ठूला बडाले भनेकाहरु एक दिन कुरा गर्दै हुम्ला पुगे पनि अन्य सर्वसाधरणले भने सास्ती खेप्नु परेको पाईको छ । दैनिक दिन उडान भर्ने आसै आसमा नेपालगं विमान स्थलमा सहभागि भएको करीव दुई हप्ता पछि मात्रै टिकट पाएको स्थानीय फागुने विकले गुनासो गरेका हुन् । उनका अनुसार कहिले काग्रोको सामन लिने, कहिले मौषम समस्या भन्ने, त कहिले यात्रु बढि भएको न्युमा आफुलाई दुई हप्तासम्म राँजा एरपोटमै बस्नु परेको हो ।

टिकट भाडा भन्दा होटेलमा बसेको खर्च बढि भएपछि विहान वेलुकाको छाक टार्न समेत समस्या भएको विकको भनाई छ । त्यस्तै नेपालगंजको एरपोटमा करीव चार दिनसम्म रोकिनु परेको अर्का स्थानीय कुविर परियारले जानकारी दिए । उनले भने पहुँज र पावरवालाले मात्रै टिकट भन्दा हुन्छ हामी जस्ता सर्वसाधारणले पैसा भएर के गर्ने ?

त्यस्तै उडान भर्ने समयमा उक्त जहाजहरुका लोडरहरुले यात्रुहरुलाई असभ्य भाषा बोल्ने गरेको पाइएको छ । यसले गर्दा सो क्षेत्रका काउण्टरका प्रमुख भन्दा लोडरहरुले सचेत रहनु पर्ने देखिएको परियारले बताए ।

नेपालगंजदेखि हुम्लाका लागि हवाई यात्रु भाडा वृद्धि

नेपालगंजदेखि हुम्लाका लागि हवाई यात्रु भाडा समेत वृद्धि भएको छ । विगतमा नेपालगंजबाट हुम्ला उडान भर्दा १० हजार ५ सय लिने गरेको भए पनि यतिखेर १० हजार ८ सय ७५ रुपियाँ लिने गरेको छ ।

संधै जसो हवाई भाडा वृद्धि गर्नु अस्वभाविक भएको स्थानीयले बताएका छन् । यतिखेर इयरलाइन्सहरुले मनपरि तवरले भाडा वृद्धि गर्दा हुम्ला उडान भर्ने यात्रुहरुले समस्या झेल्नु परेको छ ।