अँझै तीन दिन भारी वर्षा हुने, सतकता अपनाउन मौशमविद्को आग्रह

सिमकोट । हिजो रातीदेखि निरन्तर परेको वर्षाले अँझै तीन दिनसम्म जारी रहने भएकाले सर्तकता अपनाउन मौशम पूर्वानुमान महाशाखाले जनाएको छ ।

मनसुनी वायुको प्रभावले शुरु भएको वर्षाका कारण देशका विभिन्न स्थानसहित हुम्लाका उच्च हिमाली भूभागमा अँझै तीन दिनसम्म मध्यम र भारी वर्षाको संभावना भएकाले सजकता अपनाउन मौशम पूर्वानुमान महाशाखाका मौशमविद् सजना साक्यले जानकारी दिनुभयो ।

मनसुनी वायुको प्रभावले प्रदेश १ र बाग्मती प्रदेशको पहाडी भूभाग लगायत गण्डकी, लुम्बिनी र कर्णाली प्रदेशका हिमाली क्षेत्रमा मेघगर्जन र चट्याङ्गसहित हल्कादेखि मध्यम वर्षाको सम्भावना रहेकाले खोला र भिर क्षेत्रमा रहने नागरिकले सजकता अपनाउन उनले आग्रह गरिन ।

“मौशम पूर्ण रुपमा सक्रिय भएको छैन्, कतै वर्षा भएको छ भने कतै घाम लागेको छ, मौशमविद् साक्यले थपिन्“, “यस्तो अवस्थामा थप जोखिम हुने भएका प्रदेश १ र बाग्मती प्रदेशको पहाडी भूभाग लगायत गण्डकी, लुम्बिनी र कर्णाली प्रदेशका हिमाली क्षेत्रका नागरिकले आवश्यक सर्तकता अपनाउँदा राम्रो हुन्छ ।“