मुख्यमन्त्री सहितको टोली क्षतीको बिवरण हेर्न हुम्ला पुगेर फर्कियो

हुम्ला। कर्णाली प्रदेशका मुख्यमन्त्री राजकुमार शर्माको टोली क्षतीको बिवरण हेर्न हुम्ला पुगेर फर्किएको छ । अविरल वर्षासँगैको बाढिले एक जना व्यपत्ता भएर करोडौंको क्षती गरेको हवाई अनुगमन गर्न जिल्लाको अदानचुली, सर्केगाड गाउँपालिकाको क्षेत्रमा मुख्यमन्त्री शर्मा, आन्तरिक मामिला तथा कानून मन्त्री कुष्ण जिसी, भौतिक पूर्वाधार मन्त्री मंगल शाही लगायत कर्णाली प्रदेश सरकारको टोली बाढी प्रभावित क्षेत्रअनुगमन गर्न पुगेको हो ।

अदानचुली गाउँपालिकाको गल्फागाड, काठसेरा खोलामा आएको वर्षासँगैको बाढिले अदानचुली गाउँपालिका वडा नम्वर ३ का रवि भयिाल अहिलेसम्म व्यपत्ता भएका छन् । बाढिले पारेको क्षती, प्रदेश सरकारले गर्न सक्ने राहत र पुनःस्थापनाका कामका लागि मुख्यमन्त्री शर्मा सहितको टोली बाढि प्रभावित क्षेत्रको अनुगमन गरेर फर्किएको आन्तरिक मामिला तथा कानून मन्त्री कुष्ण जिसीले जानकारी दिनु भएको छ ।

मुख्यमन्त्री शर्मा नेतृत्वको टोलीले हेलिकोप्टर मार्फत बाढि प्रभावित क्षेत्र अदानचुली र सर्केगाडको हवाई अनुगमन गरी क्षतीको एकिन बिवरण लगेर गएको जानकारी प्राप्त भएको छ । प्रदेश राजधानी सुर्खेतबाट आएको हेलिकप्टरले अदानचुली गाउँपालिका वडा नम्बर २ को वडा कार्यलयको खेल मैदानमा बसी अदानचुलीका बाढि पिडिंत नागरिकसँग सामान्य छलफल समेत गरेको गल्फागाड प्रहरी चौकी श्रीनगरले जानकारी दिएको छ । गल्फागाड प्रहरी चौकीका अनुसार अदानचुली गाउँपालिकाको गल्फागाड खोला क्षेत्रमा क्षतीको हवाई अनुगमन गरिएको हो ।

गाउँपालिकाको सोही क्षेत्रको हवाई अनुगमन पश्चात सर्केगाड गाउँपालिकाको क्षती भएको सबै क्षेत्रमा पनि अनुगमन गरिएको जानकारी प्राप्त भएको छ । यहि असोज ४ गते बिहान परेको वर्षासँगैको बाढिले अदानचुलीको वडा नम्बर २ देखि ६ सम्मका झण्डैं दश करोड बराबरको क्षती भएको दावी स्थानियले गरेका छन । अघिल्लो महिना गएको बाढिले एकजना व्यपत्ता भएको सर्केगाडमा पनि यो पटकको बाढिले ठूलो क्षती गरेको थियो । 

बाढि प्रभावित क्षेत्रका नागरिकलाई राहत र पुनःस्थापनाका कार्यक्रम सञ्चालन गर्न प्रदेशसभा सदस्य कलबहादुर हमाल लगायतका नेताहरुले प्रदेश सरकारलाई आग्रह गरेपछि मुख्यमन्त्रीको टोली बाढि प्रभावित क्षेत्रमा पुगेको बताइएको छ ।

मुख्यमन्त्री सहित मन्त्रीको टोली हुम्लामा आए संगै नागरीकले बिभिन्न सिफरीस गर्दै राहतको माग गरेका छन् । यस अघिपनि बिभिन्न समयमा प्रकोप हुदा नागरीकले दिएका सिफरीस हेलिकप्टरमै सिमित हुजे गरेको प्रदेश मन्त्रालयमा नपुगेको नागरीकले गुनासो गरेका छन । अहिलेपनि बाढी पिडित नागरीकले दिएका सिफारीसका चाँग यो बेला मन्त्रालयमा पुगि सिफारीसको माग पुरा हुने नहुने आशंका गरेका छन ।