जिप दुर्घटनामा परि घाइतेको हेलिकप्टर मार्फत जिल्ला बाहिर उद्धार

सिमकोट । आइतबार बिहान हुम्लाको सदरमुकाम सिमकोटमा बालेरो जिप दुर्घटना परि घाईतेको हेलिकप्टर मार्फत जिल्ला बाहिर उद्धार गरिएको छ । बिहान सिमकोट देखि ठेहे जाँदै गरेको बा २१ च ७३५३ नम्बरको बोलेरो जीप मानसरोवर माबि अगाडी दुर्घटनामा परि चालक सहित ९ जना घाइते भएका थियो । 

सोही बोलेरो जिप दुर्घटना परि घाइते भएका मध्य आकस्मिक बिरामी सिमकोट गाउँपालिका वडा नम्बर २ का वडा अध्यक्ष ३७ बर्षिय देवजङ बोहरा, सोही गाउँपालिकाका वडा नम्बर ३ का वडा अध्यक्ष ३५ बर्षिय पामा लामा र वडा नम्बर ४ का स्थानिय सुस्वा परियोजनाका संयोजक धुर्ब बहादुर शाहीलाई नेपाली सेनाको हेलिकप्टर मार्फत अपरान्ह पौने ५ बजे उद्धार गरेको जिल्ला अस्पताल हुम्लाले जनाएको छ । 

अस्पताल स्रोतका अनुसार घाइतेलाई जिल्लामा उपाचार गर्न नसकिने अबस्था भएपछि आकस्मित बेरामी ३ जनालाई उद्धार गरिएको हो । आकस्मित बेरामीहरुलाई उपाचारका लागि नेपालगंज लगिएको छ । सोही मध्या अन्यलाई जिल्लामै उपचार गर्न सकिने भएकाले जिल्ला अस्पताल हुम्लामा उपचार गरिने भएको छ ।