हुम्लाका चार पालिकामा सडक पुगेर दुवानी कम भएपनी सामानको मूल्य पुरानै

हुम्ला । दक्षिणी क्षेत्रका चारवटा गाउँपालिकामा सडक सन्जालले यो बर्ष पुर्ण रुपमा पहँुज भएपनि दैनिक रुपमा उपभोग हुने सामानको मुल्य घटेको छैन । नयाँ बजार स्थापना भएका स्थानमा महँगी केही रुपमा घट्नु पर्ने ठाउँमा पहिलेको अबस्थामा मुल्य तिरेर सामान किनमेल गर्नु परेको हो ।

ती नयाँ बजार कर्णाली कोरिडोरसँग सामान्य रुपमा जोडिएसँगै यातायातका सवारी साधन नियमित रूपमा सञ्चालनमा आउन थालेका छन तर बजारमा सामाग्रीको मुल्य पुरानै लयमा रहेको छ ।
हाल कर्णाली करिडोरका अधिकांस क्षेत्रमा बजार संञ्चालनमा आएको देखिएपनि दैनिक उपभोग्य बस्तुको मुल्य नघटेको पाइएको छ ।

सवारी साधन घरमा आउनु भन्दा पहिले खाने तेलको १२० रुपैँया पर्ने गरेको थियो भने अहिलेपनि सोही मुल्यमा स्थानियले किनमेल गर्दै आएका छन । ढुवानी गर्ने सवारीका साधन आगनमै आएकोबेला ढुवानी मुल्य घटेको भएपनि सामानको मुल्य कुनै हिसाबले नघट्दा अचम्म लाग्न थालेको ताँजाकोट गाउँपलिका वडा नम्बर ४ का स्थानिय अर्जुन बोगटीले बताउनु भएको छ ।

उहाका अनुसार पैमा बजारमा एक लिटर धारा तेलको पहिले ३०० पर्ने गरेको थियो भने अहिलेपनि स्थानियले सोही मुल्यमा किन्नु पर्दा मर्कामा परेका छन । यता सवारी साधनमा ढुवानी गर्दा ४० प्रतिशतले ढुवानी दर घटेको भएपनि सामाग्रीको मुल्य सोही रहेको छ ।

करिडोरकै चंखेली गाउँपालिका र सर्केगाड गाउँपालिकाको मध्य क्षेत्रमा बेलिब्रिज समेत बनेको भएपनि सर्केगाड बजारमा पनि सामानको मुल्य उही रहेको पाइएको छ । कुनैपनि सामानको मूल्य दूरीअनुसार घटबढ हुनु पर्ने ठाउँमा पुरानै मुल्य रहेको सर्केगाडका स्थानिय जान बहादुर शाहीले बताउनु भएको छ ।

ताँजाकोट गाउँपालिकाको कवाडी, पैमा, अदानचुली गाउँपालिकाको गल्फागाड, तुम्च, बालुकुना, सलीसल्ला, चङ्खेली गाउँपालिकाको केन्द्र पिप्लाङ र सर्केगाड गाउँपालिकाको केन्द्र सर्केगाडमा दूरीअनुसार पाँचदेखि दस रुपियाँ मूल्य फरक रहनु सोभाबिक भएपनि पुरानै अबस्थाको मुल्य रहेको पाइएको छ ।

यी स्थानमा सामान बिक्री बितरणकालागि खुद्रादेखि डिलरसम्म स्थापना भएका छन । यता स्थानिय सरकारले बजार अनुगमन र ठाउँ अनुसारको मुल्य निधार्नरण नगर्दा समेत उपभोत्ता मारमा पर्दै आएका छन ।