आधारभूत कम्प्युटर तालिम सम्पन्न

 सिमकोट । उद्यम गरौं स्वरोजगार बनौं, सिप सिकौ रोजगार बनौ भन्ने नाराका साथ सञ्चालन भएको ४५ दिने आधारभूत कम्प्युटर तालीम सम्पन्न भएको छ । लक्ष्मी मल्टिमिडियाको आयोजनामा र उद्योग तथा उपभोक्ता हित संरक्षणा कार्यालय हुम्लाको आर्थिक सहयोगमा बेरोजगार युवायुवतीका लागि कम्प्युटर तालिमको आज समापन भएको हो । उद्योग तथा उपभोक्ता हित संरक्षण कार्यालय हुम्लाले जिल्लाका तीनवटा गाउँपालिकाका युवायुवतीलाई आधारभूत कम्प्युटर तालिम प्रदान गरेको हो । सिमकोट, खार्पुनाथ र सर्केगाड गाउँपालिकाका २४ जना युवती र २ जना युवा गरेर २६ जना युवायुवतीलाई उक्त कम्प्युटर तालीममा प्रदान गरिएको प्रशिक्षक रेशमराज रोकायाले बताउनुभयो । प्रक्षिक रोकायाका अनुसार, कम्प्युटर तालिमको समय दुई घण्टाको भएपनि आफुले प्रशिक्षार्थीलाई समय भएपछि विहान दुई घण्टा र बेलुका दुई घण्टा गरी दिनमा चार घण्टा कम्प्युटर सिकाएको बताउनुभयो । छोटो समयमा पनि उनिहरुले कम्प्युटर सम्बन्धि ज्ञान प्राप्त गरेको रोकायाले बताउनुभयो । अहिले प्रविधिको जमाना भएकाले आफ्नो क्षमता र सिप प्रयोग गरेर जिवीकोपार्जन गर्ने समय आइसकेको प्रशिक्षक रोकायाले बताउनुभयो । कम्प्युटरको ज्ञान भएन भने कुनै कार्यालय, वा जुनसुकै ठाउँमा रोजगारका लागि पहिलो आवश्यक भनेको कम्प्युटर भएको रोकायाले बताउनुभयो । कम्प्युटरको सिपलाई सिक्न सकेनौ भने आर्थिक हिसाबमा सम्पन्न भएपनि पछाडी पारेको महसुन गर्ने समय आइसकेको प्रशिक्षक रोकायले बताउनुभयो । सिप सिक्यो भने मानिस भोकै मर्नु पर्ने अवस्था नआउने सिमकोट गाउँपालिका वडा नम्बर ६ का वडाध्यक्ष नन्द रावतले बताउनुभयो । सिप सिक्यो भने आफ्नो खुट्टामा टेकेर खान सक्ने क्षमता हुने वडाध्यक्ष रावतले बताउनुभयो । आफुले सिकेको जुन सिकै अध्ययन, तालिम र सिप नौ दिन सम्म दोहोर्याएनौ भने नौलो लाग्छ, तीस दिनसम्म फेरी नदोहोराएमा बिर्सि सक्ने उद्योग तथा उपभोक्ता हित संरक्षण कार्यालयका प्रमुख प्रदिप कुमार रेग्मीले बताउनुभयो । मुख्य उद्श्य अनुसार आफुले सिकेको सिपलाई घरमा थन्काएर राख्ने कि त्यसलाई निरन्तरता दिइरहने भन्नेमा उनिहरुमा भरपर्ने प्रमुख रेग्मीले बताउनुभयो । दिनमा आधा, एक घण्टा घरमा काम सकाएर कम्प्युटरमा औला चलानउु पर्ने र यसलाई निरन्तरता दिनु पर्ने प्रमुख रेग्मीले बताउनुभयो । समापन कार्यक्रम उद्योग तथा उपभोक्ता हित संरक्षण कार्यालयका प्रमुख रेग्मीको अध्यक्षतामा र सिमकोट गाउँपालिका वडा नम्बर ६ का वडाध्यक्ष रावतको प्रमुख आथित्यमा सम्पन्न भएको छ । आधारभूत कम्प्युटर तालिम समापन कार्यक्रममा हुम्ला कारागारका प्रमुख जीवन रुपाखेती र उद्योग तथा उपभोक्ता हित संरक्षण कार्यालयका लेखापाल केशव न्यौपाने लगायत सोही कार्यालयका अन्य कर्मचारी, कम्प्युटर तालिम लिएका प्रशिक्षार्थी लगायतको सहभागीता रहेको कार्यक्रम सञ्चालक लोकराज शाहीले जानकारी दिनुभयो ।