नेप्काको सुख्खा पहिरोमा २ को मृत्यु ४ घाइते

हुम्ला, ३० भदौ । चंखेली गाउँपालिका ६ को नेक्पामा शनिबार (आज) मध्यन्न गएको सुख्खा पहिरो परि २ जनाको ज्यान गएको छ भने ४ जना घाइते भएका छन् ।

गाउँदेखि १५ मिनेटको पैदल दुरीमा गएको पहिरोमा परि वेपत्ता भएको आशंका गरिएको छ ।  पहिरोमा परी २४ वर्षिय वसन्ति तामाङ्ग र १३ वर्षिय बाँचु तामाङ्गको मृत्यु भएको चंखेली ५ का वडा अध्यक्ष भैरवबहादुर तामाङ्गले बताए । उनका अनुशार पहिरोमा परि वर्ष ८ का युकेश तामाङ्ग, वर्ष ९ का विनिता तामाङ्ग र हेमन्त तामाङ्ग र १३ वर्षकी सुष्मिता तामाङ्ग घाइते भएका छन् ।

घाइतेलाई अपरान्ह १ बजे सिमकोटबाट गएको हेलिकप्टरले उद्धार गरेर सिमकोट ल्याएको हो । जिल्ला अस्पताल हुम्लामा उपचारका लागि राखिएका चारै जना वालवालिकामध्ये विनिता तामाङ्गको अवस्था निकै गम्भीर छ । टाउकोमा गम्भीर चोट लागेकी विनितालाई अक्सीजन दिएर उपचार गरिएको जिलला अस्पतालका डा. नविन रोकायाले जानकारी दिए । अर्का बिरामी मुकेस तामाङ्गको खुट्टमा निकै ठूलो चोट लागेकाले जिल्ला अस्पता हुम्लामा उपचार गर्न संभव नभएपछि नेपालगञ्ज रिफर गरिएको छ ।

घाइते विनिता र मुकेशलाई उपचारमा थप समस्या आउन थालेपछि गृह मन्त्रालयसँगको समन्वयमा अहिले साँझ हेलिकप्टरबाट नेपालगञ्ज लगिएको सहायक प्रमूख जिल्ला अधिकारी महेशकुमार पोखरेले बताए । हेलिकप्टरबाट बिरामी वालक हेमन्तलाई समेत नेपालगञ्ज पठाइएको बताएका सहायक प्रमूख जिल्ला अधिकारी पोखरेलले नेपालबोडसँग भने “घटना निकै अकल्पनिय घट्यो । जिल्ला सदरमुकाम सिमकोट देखि निकै टाढा र टेलिफोनको समेत पहुँच नभएकाले उद्धारमा समेत समस्या आयो ।”
पहिरोबाट भएको क्षतीको एकिन विवरण आइनसेकेको बताएका पोखरेलले नजिकैको पिप्लाङ्ग प्रहरी चौकीका सुरक्षाकर्मी घटनास्थलमा पठाइएको बताए ।