हिमालपारीको लिमीमा खेतीयोग्य जमिन बाँझिदैं 

सिमकोट ।  हिमालपारिको गाउँका रुपमा चिनिने हिमाली जिल्ला हुम्लाको नाम्खा गाउँपालिका– ६ लिमीका तीन गाउँमा खेतीयोग्य जमिन बाँझिने क्रम बृद्धि हुँदै गएको छ। 

उत्तरी छिमेकी मुलुक चीनसँगको सिमा जोडिएको लिमीका स्थानीयले विभिन्न व्इावसायमा संलग्न भई गाउँ छोड्ने क्रम बढेपछि खेतीयोग्य जमिन बाँझिनक्रम बढेको हो। कृषि पेशा भन्दा अन्य पेशाबाट बढी आम्दानी हुने भएपछि नयाँ पुस्ताले परम्परागत पेशा बदलेर नयाँ पेशामा संलग्न हुन लागेपछि खेतीयोग्य जमिना बाँझो हुने क्रम वार्षेनी बढ्दै गएको लिमीको तील गाउँका कुछाङ तामाङले जानकारी दिए । 

तामाङमा अनुसार गाउँको आधा भन्दा बढी जग्गा बाँझो रहन थालेको बताए। तील गाउँका जग्गा लिमी कै तीन गाउँ मध्य बढी उत्पादन हुने जग्गामा पर्ने भएपनि स्थानीय गाउँ छाडेर अन्यत्र जाने र गाउँमा बसेकाहरुलाई पनि कृषि पेशा भन्दा अन्य काम गरेर बढी पाईदा हुने देखिएपछि खेती पाती गर्ने किसान घट्दै गएको हो। उक्त गाउँमा वर्षको एक बाली उवा र केराउ उत्पादन हुने गर्छ।

४४ वटा घरधुरी रहेको तील गाउँमा हाल २२ घरधुरी मात्र रहेको कारण आधा घरधुरीले खेतीपाती गर्नै छोडेको कारण जग्गा बाँझिएको हो।

यता सबै भन्दा बढी घरधुरी भएको लिमीकै हल्जी गाउँमा समेत खेती योग्य जमिन बाँझिन थालेको लिमीका वडा अध्यक्ष पाल्जोर तामाङले बताए। एक दुई जना बाहेक अन्यले हल्जी गाउँ नछोडेको भएपनि कृषि भन्दा अस्थायी रुपमा चीनको ताक्लाकोट गएर काम गर्दा बढी कमाउन सकिने भएपछि खेतीपाती छोडेर किसान उतैतिर लागेको उनले बताए।

यतिबेला उवा र केराउ बाली गोडमेल गर्ने समय भए पनि ती जग्गा बाँझो भएर झारपात उम्रिएको छ। लिमीका तीनै गाउँबाट सदरमुकाम सिमकोटदेखि काठमाडौंसम्म बसाई सराई गर्ने लिमीवासी बढेपछि खेती योग्य जमिन बाँझो रहन थालेको छ। लिमीको हल्जी गाउँमा पनि खेती योग्य जमिनको पच्चीस प्रतिशत जग्गा यसवर्ष बाँझो छ।

लिमीकै जाङ गाउँका स्थानीय कुन्जोक तामाङले लिमीका तीन गाउँमध्ये जाङ गाउँमा सबैभन्दा बढी खेती योग्य जग्गा बाँझिएको बताए। पहिले ६४ घरधुरी रहेको लिमीको उक्त गाउँमा हाल दुई घरधुरी मात्र बस्दै आएको कारण सबै जग्गा बाँझो रहेको हो। यसबाट असी प्रतिशत खेती योग्य जमिन बाँझो रहेको उनले बताए। उवा र केराउ बाली हुने जग्गामा झारपात उम्रिएर जग्गा बाँझो देखिदै आएको उहाँको भनाइ छ।