सिमकोटमा हेलिकोप्टर ठूलो दुर्घटनाबाट जोगियो

असोज ४, सिमकोट । विमानस्थलमा दुर्घटनाग्रस्त विमानका पखेटा लिने क्रममा पखेटा झुण्ड्याएको डोरी चुडिएपछि श्री एयरको हेलिकप्टर ठूलो दुर्घटनाबाट जोगिएको छ ।

बिहिबार बिहाज ६ बजेर १० मिनेटमा सिमकोटको बिच बजारमा भएको विमानस्थलको तल्लो क्षेत्रमा भएको जहाजका पखेटा लिनेक्रममा आकाशमा उठिरहेको बेला अचानके बाँधीएको डोरी चुडिएपछि विमानका पखेटाहरु खोलामा खसेका हुन । नेपालगञ्ज लिन लागिएका दुर्घटनाग्रस्त विमानका पखेटा हेलिकप्टरबाट लिनेक्रममा सिमकोट तल्लो गाउँ नजिकैको खोलामा अहिले खसेका छन् ।

कामको सिजन सुरु नभएको कारण र बिहानै भएकोले पनि मानिस आवत जावत सुरु नभएको हुँदा मानवीय क्षेतीवाट जोगिएको हो । जहाजका पार्टहरु सिमकोट तल्लो बजार नजिकै भएको महिला फिडर छात्रावास भन्दा केही मिटर मात्रै तल छ ।

डोरी चुटिएर खसेका पार्टहरुले पाकेको स्थानीयको कोदो र चिनो वालीमा क्षेती पर्ुयाएको छ । नेपालगञ्जसम्म झ्ण्ड्याएर लिन थालिएको दुर्घटनाग्रस्त तारा एयरका पखेटा कसरी खसे भन्नेबारृमा सिमकोट विमानस्थलले केही प्रतिक्रिया दिएको छैन् । जहाजका पखेटा लिन तयार भएको श्री एयरको हेलिप्टर अहिले सिमकोट विमानस्थलमा अवतरण गरेको छ । बुधबार देखि पखेटा र जहाज लिन प्रयास गरेको हेलिकप्टरले झुण्ड्याएका पखेटा डोरी चुडिएर खसेपछि अहिले स्थानीयवासिमा निकै ठूलो त्रास फैलिएको छ ।

तारा एयरको बिमान गत मंसीर १३ गते सिमकोट बिमानस्थलवाट सुर्खेतकालागि उडान भर्नेक्रममा क्रममा दुर्घटना भएको थियो ।