नेभिगेशन
सिमकोट

सिमकोट गाउँपालिका स्वास्थ्य शाखाको वार्षिक समिक्षा

सिमकोट । हुम्लाको सदरमुकाममा रहेको सिमकोट गाउँपालिकाको स्वास्थ्य शाखाले पालिका भित्र भएका स्वास्थ्य संस्थाको वार्षिक समिक्षा कार्यक्रम सुरु गरेको छ । प्रत्येक स्वास्थ्य संस्थाले आर्थिक वर्ष २०८०÷०८१ मा सम्पादन गरेको गतिविधिको समीक्षाका साथै सफल कार्यको अनुुभव साट्ने र सुुझावसमेत वार्षिक समिक्षा कार्यक्रममा दिइएको छ । 

मंगलबारबाट सुरु भएको समिक्षा गोष्ठीमा वडा १ देखि ७ सम्म रहेका स्वास्थ्य संस्थाले आफ्नो वार्षिक प्रगति प्रस्तुत गर्ने कार्य गरीरहेको गाउँपालिका स्वास्थ्य संयोजक नर बहादुर भण्डारीले बताउनुभयो । 

गाउँपालिकामा रहेका स्वास्थ्य चौकी, सामुदायिक स्वास्थ्य एकाई र आधारभूत स्वास्थ्य सेवा केन्द्र गरी १२ वटा स्वास्थ्य संस्थाले आफ्नो वार्षिक प्रगती प्रतिवेदन प्रस्तुत गरिरहेको संयोजक भण्डारीले बताउनुभयो । 

समीक्षा कार्यक्रममा प्रत्येक स्वास्थ्य संस्थाले एक वर्षमा सम्पादन गरेका कार्यको प्रस्तुति गरिरहेका छन् । स्वास्थ्य संस्थाले प्रदान गर्ने सेवा, भौतिक अवस्था, जनशक्ति, उपकरणको पनि जानकारी गरेको बताइएको छ । 

सिमकोट गाउँपालिका अध्यक्ष विजय भण्डारी (प्रतिरोध)को अध्यक्षतामा र गाउँपालिका उपाध्यक्ष शुसिला रोकाया (भाम)को प्रमुख आथित्यमा, गाउँपालिका निमित्त प्रमुख प्रशासकीय अधिकृत उजिर रोकायाको उपस्थितमा स्वास्थ्य संस्थाहरुको वार्षिक समिक्षा गोष्ठी सुरु भएको हो । वार्षिक समिक्षा कार्यक्रममा वडा नम्बर एकका वडाध्यक्ष गोरख लामा, दुईका देवजङ बोहरा, चारका प्रताप लामा, पाँचका चीन रावत, ६ का नन्द रावत, आठका कमल बुढा लगायत विभिन्न स्वास्थ्य संस्थाका स्वास्थ्यकर्मी, जिल्ला अस्पतालका सरिता बोहरा लगायत सञ्चारकर्मीको उपस्थित रहेको थियो । 

वार्षिक समिक्षा कार्यक्रममा बोल्दै वडा नम्बर दुई का वडाध्यक्ष देवजङ बोहराले स्वास्थ्य संस्थामा देखिएका समस्या समाधान गर्न सकिने बताउनुभयो । 

यस्तै सिमकोट गाउँपालिका अध्यक्ष भण्डारीले गत वर्षको भन्दा यो वर्ष पक्कै पनि पािलका भित्र रहेका स्वास्थ्य संस्थाका स्वास्थ्यकर्मीहरुले राम्रो कार्य गरेको बताउनुभयो । 
 

प्रकाशित मिति:
प्रतिक्रिया दिनुहोस्