हिउँमा टिउसन पढ्दै हुम्लाका विद्यार्थी

पुस २३, सिमकोट । हुम्लामा शनिवार साँझ देखि निरन्तर हिमपात हुदा एसइई परिक्षाको तयारी गरि रहेका विद्यार्थीलाई समस्या बनाएको छ । चिसो सँगै हुम्लामा चिसो अत्याधिक बढ्नुका साथै तापक्रम माईनसमा झरेको छ ।

स्कुलमा कोष पुरा नभएको हुदा हिमाली जिल्ला हुम्लाका विद्यार्थी हिउँदे टिउसन पढाउनु परेको सिमकोट दुई रामदेभ माविका शिक्ष ललित सिंहले बताए ।

एसइईको तयारी गरिरहेका विद्यार्थी सोवन रोकाया भने विहान चार बजे उठ्नु पर्छ चिसोका कारण लेख्दा अक्षर विग्रने गरेको बताउनछन् । विहान टिउसन पढ्न जानका लागि राति तिन बजे खाना बनाउनुपर्छ । चिसोका कारण बाक्लो कपडा लगाएर पढ्न जाने गरेको चौगन फया कर्णाली माविका विद्यार्थी जीवन शाहीले बताए । टिउसन जादा चिसोमा पढ्नु पर्छ तर सिमकोटमा चिसोबाट बच्न आगो बाल्ने काठ पाउन समस्या भएको एसइईको तयारी गरिरहेकी छात्र सुस्मिता शाही बताईन् ।

एसइई परिक्षाको समय दुई महिना मात्र भएको हुदा एक दिन नपढाउदा विद्यार्थीलाई समस्या हुने भएको हुदा जाडो नभनेर पढाउनु पर्ने बाध्यता भएको मानसरोबर माविका शिक्षक धन बहनदुर ऐडी बताए ।

विद्यालयमा पढाईको कोष पुर्रा हुन नसक्दा चैतमा हुने एसइईको लागि हिउँदे टिउसन लिदै आएका विद्यार्थी चिसोका कारण मारमा परेका छन् ।

हिमपात पछि अत्याधिक चिसो हुदा पनि एसइईको तयारीका लागि पढ्नु पर्ने बाध्यता रहेको विद्यार्थीले बताउदै आएका छन् । चिसो सँगै हुम्लामा दश घण्टा लोडसेडीङ्ग हुदा झनै विद्यार्थी मारमा पर्दै आएका छन् । न खाना समयमा खान पाईन नत पढ्दनै । हुम्लाका विद्याथीले यो समस्या हरेक वर्ष झेल्दै आएका छन् ।