हुम्लामा १० करोडको स्याउ उत्पादन
हुम्ला । फलफूलमा स्याउ खेतीको राम्रो सम्भावना बोकेको हिमाली जिल्ला हुम्लामा यस वर्ष दस करोड रुपियाँ बराबरको स्याउ उत्पादन भएको छ । यस वर्ष स्याउ उत्पादन राम्रो नभएपनि जिल्ला भरको विवरण अनुसार उक्त स्याउ उत्पादन भएको हो ।
सिमकोट गाउँपालिका भर पाँच करोडभन्दा बढीको स्याउ उत्पादन भएको गाउँपालिका कृषि बिकास शाखा प्रमुख नेत्रबहादुर शाहीले जानकारी दिनु भएको छ । उहाँले स्याउ राम्रो उत्पादन नभएका कारण जम्मा किसानले पाँच करोडको स्याउ उत्पादन गर्न सफल भएको र किसानले उत्पादन गरेका सबै स्याउ भने बिक्री नभएको बताउनुभयो ।
स्याउ बिक्रीबाट एक किसानले १० लाख रुपियाँसम्म कमाइ गरेको जानकारी कार्यालयलाई आएको बताउँदै सडक यातायात नजोडिएको र हवाई मार्गबाट ढुवानी दर बढी भएका कारण जिल्लाबाहिरको बजारका लागि समस्या रहेको बताउनुभयो ।
जिल्लामा स्याउको मूल्य प्रतिकेजी ४० रुपियाँ तोकिएको भए पनि त्यो मूल्यमा भने बजारमा पाउने गरेको थिएन । स्याउ भएको समयमा बजारमा प्रतिदाना स्याउको मूल्य १० रुपियाँ पर्ने गरेको थियो । कृषि विकास कार्यालयले जिल्लाका सात वटै गाउँपालिकामा १० करोडभन्दा बढीको स्याउ उत्पादन भएको जनाएइको छ । यसमा ३० प्रतिशत मात्र स्याउ जिल्लाबाहिर बिक्री भएको पाइएको छ ।
सिमकोट बजार अनुगमन
मंगलबार, कात्तिक १३, २०८१
नयाँ नोट मुद्रण नहुँदा बैंकमा २५ अर्बले सटही घट्यो
नयाँ नोट मुद्रण नहुँदा त्यसका लागि हुने खर्च जोगिएको छभने सटहीका लागि थप जनशक्ति व्यवस्थापनको झन्झट बैंकले व्यहोर्न परेन । उनका अनुसार अघिल्लो वर्ष नयाँ नोट मुद्रणका लागि... बुधबार, असोज २३, २०८१
सिमकोटका मासु पसलको अनुगमन
'पसलहरुमा सरसफाईलाई ध्यान नदिएको पाइयो । हामीले त्यसमा ध्यान दिन सुझाव दिएका छौं', सहायक प्रमुख जिल्लाअ धिकारी सुवेदीले भन्नुभयो, 'सबै पसललाई बजार मूल्य अनुसारको मूल्य सूचि समेत देखिने... आइतबार, असोज २०, २०८१