कर्णालीका महिलालाई प्राकृतिक स्रोतबाट बञ्चित गर्ने अस्त्र बन्दै ‘महिनावारी’ (भिडियो रिर्पोटसहित)

सिमकोट । महिनावारी वा छुई हुम्ला लगायत कर्णालीका महिलाहरुलाई प्राकृतिक स्रोतबाट बञ्चित गर्ने अस्त्रका रुपमा प्रयोग हुँदै आएको छ । 

धर्म र सांस्कृतीका आधारमा समाजले मान्दै आएका अनेकन खाले प्रचलनले कर्णालीका महिला अहिले पनि अनेकलन खाले शोषणबाट मुक्त छैनन् । विभिन्न कारण देखाउँदै अहिले पनि महिलालाई हरेक स्रोत साधन र अवसरबाट समाजले बञ्चित गरिरहेको छ । 

नेपालको संविधान २०७२ को धारा ३८ को महिलाको हक अन्तरगत उपधारा ३ ले महिला विरुद्ध धार्मिक, सामाजिक, साँस्कृतीक परम्परा, प्रचलन वा अन्य कुनै आधारमा शारिरिक, मानसिक, यौनजन्य मनोवैज्ञानिक वा अन्य कुनैपनि किसिमको हिंसाजन्य कार्य वा शोषण गरिने छैन् भन्ने कुरा स्पष्ट उल्लेख गरेको छ । तर हुम्ला लागयत कर्णालीका अधिकांश क्षेत्रमा महिनावारी अर्थात छुई भएको बहानामा महिलालाई पशु सरह छुई गोठमा राख्ने, कानूनले प्रदान गरेको प्राकृतिक स्रोत, साधनबाट समेत बञ्चित गराउने काम भएको छ । 

छुई भएका महिलालाई घरबाट पर सार्ने मात्र होइन, खानेपानीका धारा, मुहान, पशुवस्तु, बिउबिजन, मौरीको घारलाई समेत छुन नदिने गरिएको छ ।