दक्षिण भेगका चार गाउँपालिकामा अनुदानको नुन वितरण सुरु

सिमकोट । साल्ट ट्रेडिङ कर्पोरेसन शाखा कार्यालय हुम्लाले दक्षिण भेगमा रहेका चारवटा गाउँपालिकालाई सम्बन्धित वडाको सिफारीको आधारमा शुक्रबारदेखि अनुदानको नुन वितरण कार्य सुरु गरेको छ । 

     शुक्रबार पहिलो दिन जिल्लाको मध्ये भेगमा रहेको सर्केगाड गाउँपालिकाको २,३ र पालिका केन्द्र बाहेक अन्य ६ वटा वडाका नागरीकलाई नागरीकलाई नुन वितरण गरिएको साल्ट टेण्ड्रिङ कर्पोरेसन शाखा कार्यालय सिमकोटका प्रमुख राज बहादुर लामाले बताउनुभयो । २ नम्बर रीप र तीन नम्बर उनापानी गाउँमा जाने बाटो विग्रेका कारण वितरण हुन नसकेको हो । पालिकाका अन्य सबै वडाका प्रत्येक घरधुरीलाई नुन वितरण गरिएको प्रमुख लामाले सर्केगाडबाट जानकारी दिनुभयो । 

    १५ देखि ३० प्याकेटका दरले नुन वितरण गरिएको बताइएको छ । वडामा कम घरधुरी भएकालाई ३० प्याकेट र बढी घरधुरी भएका वडालाई १५ प्याकेट जनसंख्याकामा आधारमा वितरण गरिएको हो । साल्ट टेण्ड्रिङ कर्पोरेसन शाखा कार्यालयले नुन लिन पुग्दा सम्बन्धित वडाको सिफारीको आधारमा नुन वितरण गरिरहेको बताएको छ । दक्षिण भेगका चारवटा गाउँपालिकामा नुन वितरणका लागि साल्ट टेण्ड्रिङ कर्पोरेसन शाखा कार्यालयका कर्मचारी स्वयम आफै पुगेर वितरण गरिरहेका छन् । 

   हुम्लामा साल्ट टेण्ड्रिङ कर्पोरेसन शाखा कार्यालयले अनुदानमा एक प्याकेट नुनको रु नौ रुपियाँमा वितरण गर्दै आएको छ । शुक्रबार वडा–१ लाई असी क्विइन्टल, चारलाई ५१ क्विइन्टल, पाँचलाई पचास क्विइन्टल, ६ लाई ५१ क्विइन्टल, सातलाई ५७ क्विइन्टल र आठ नम्बर वडालाई ५१ क्विइन्टल वितरण गरिएको हो । शुक्रबार मात्रै तीनसय चालीस क्विइन्टल वितरण भएको छ । भने सर्केगाड गाउँपालिकाका लागि लागि पाँच सय क्विइन्टल वितरण गरिने भएको छ । भने साथै चंखेली ४ सय, ताँजकोट चार सय र अदानचुली गाउँपालिकामा पाँच सय क्विइन्टल नुन वितरण गरिने भएको छ । क्रमश दक्षिण भेगका गाउँपालिकामा नुन वितरण गरिदै जाने भएको प्रमुख लामाले बताउनुभयो ।