नेभिगेशन
समाज

दश हजार भेडाबाख्रालाई पीपीआर विरुद्धको खोप 

सिमकोट । हुम्लाको सदरमुकाममा रहेको सिमकोट गाउँपालिकाले दश हजार बढी भेडाबाख्रालाई पीपीआर विरुद्धको खोप लगाएको छ । गाउँपालिका भित्र रहेका एकदेखि आठ वटा सबै वडामा पशु प्राविधिक पुगेर भेडाबाख्रालाई लाग्ने महामारी (पीपीआर) रोगविरुद्धको खोप लगाउने कार्य सम्पन्न भएको जनाइएको छ । पालिका भित्र रहेका दश हजार तीन सय, पचास भेडाबाख्रालाई पीपीआर विरुद्धको खोप लगाइएको गाउँपालिका पशु प्राविधिक विष्णु बुमीले बताउनुभयो । 
   पशु प्राविधिक बुमीका अनुसार, वडा–१ मा सात सय, वडा–२ मा ६ सय, वडा–३ मा एक सय, वडा–४ मा पाँच सय, वडा–५ मा एक सय पचास, वडा–६ मा तीन सय, वडा–७ मा तीन हजार आठ र वडा–८ स्याँडा गाउँमा चार हजार दुई भेडाबाख्रामा उक्त खोप लगाइएको बताउनुभयो । सिमकोट गाउँपालिकामा सोह्र बजार बढी भेडाबाख्रा भएपनि अधिंकास बाँकी यहाँका स्थानीयले पालनपोषणका लागि जिल्ला बाहिर लिएका कारण दश हजार भेडाबाख्रालाई मात्रै खोप लगाइएको उहाँले बताउनुभयो । 
   भेडाबाख्रालाई खोप लगाउनका लागि दुई जना प्राविधिकलाई एक हप्ता समय लाग्नुका साथै प्रत्येकका घरघरमा गएर खोप लगाएको बताइएको छ । हिमाली क्षेत्रमा पिपिआर रोग भेडाबाख्रामा बढी देखिने भएको कारण रोग नलाग्दै खोप लगाएर सम्भावित जोखिमबाट बचाउने काम भएको गाउँपालिका अध्यक्ष विजय भण्डारी (प्रतिरोध)ले बताउनुभयो । 
   भेडाबाख्रालाई खोप लगाउनका लागि कम्पाउन्डसहितको खोप केन्द्र नभएका कारण हाल खोप लगाउनका लागि समस्या भइरहेको बताइएको छ । खुला चौरमा खोप लगाउनुपर्दा भेडाबाख्रालाई नियन्त्रणमा राख्न समस्या भएको प्राविधिक बताउँछन् । यसले गर्दा किसान र प्राविधिकले समस्या भोग्दै आएका छन् । खोप केन्द्र नतोकिएका कारण प्राविधिक भ्याक्सिन बोकेर गोठ गोठ र भेडाबाख्रा राखिएको स्थानमा जानुपर्ने बाध्यता छ । 

afc43d76-162f-4c63-acc6-0a2465e78c4c-1742023881.jpg
 

प्रकाशित मिति:
प्रतिक्रिया दिनुहोस्
थप समाज
हावाहुरीले लामालेख विद्यालयको जस्तापाता उडायो

हावाहुरीले लामालेख विद्यालयको जस्तापाता उडायो

चंखेली गाउँपालिका–६ स्थित गाउँको लामालेख प्राथमिक विद्यालय मासिधारामा हावाहुरी चल्दा विद्यालयको एक भागको जस्तापाता उडाएको छ ।
१३८ जना विद्यार्थीलाई झोला वितरण

१३८ जना विद्यार्थीलाई झोला वितरण

हिमाली जिल्ला हुम्लाको सदरमुकाम सिमकोट गाउँपालिका वडा नम्बर ५ मा रहेको भिमसेन आधारभुत विद्यालयका १३८ जना विद्यार्थीलाई झोला वितरण गरिएकोे छ
	६० दिने रातो काम्लो बुनाई तालिमको उद्घाटन

 ६० दिने रातो काम्लो बुनाई तालिमको उद्घाटन

हुम्लाको सदरमुकाम सिमकोटमा ६० दिने रातो काम्लो बुनाई तालिमको उद्घाटन गरिएको छ