नेभिगेशन
समाज

हुम्लामा ९१ प्रतिशत किशोरीले लगाए एचपीभी खोप

सिमकोट । हिमाली जिल्ला हुम्लामा फागुन १८ गते आइतबारबाट सञ्चालन भएको पाठेघरको मुखको क्यान्सरविरुद्धको एचपीभी खोप ९१ प्रतिशत किशोरीले लगाएका छन् । फागुन १८ गतेदेखि फागुन महिनाको २९ गतेसम्म सञ्चालन भएको उक्त खोप अभियानमा हुम्लाका तीन हजार, एक सय, ९३ किशोरीले एचपीभी खोप लगाएको जानकारी प्राप्त भएको छ । 

  यस्तै उत्तरी नाम्खा गाउँपालिकामा  दुई सय २७, सिमकोट गाउँपालिकामा सात सय ८४, खार्पुनाथ तीन सय ४५, सर्केगाड ६ सय २५, चंखेली दुई सय ६२, अदानचुली पाँच सय ७२ र ताँजकोट गाउँपालिकामा तीन सय ७८ किशोरीमा पाठेघरको मुखको क्यान्सरविरुद्धको एचपीभी खोप लगाइएको जानकारी प्राप्त भएको छ । जिल्लामा खोप कभरेज सबैभन्दा कम उत्तरी नाम्खा र दक्षिणको चंखेलीमा भएको छ भने सबैभन्दा बढी कभरेज सिमकोट गाउँपालिकामा भएको छ । 

   जिल्लाको उत्तरी नाम्खा गाउँपालिका–६ लिमी बाहेक जिल्लाका अन्य सबै वडामा दशदेखि १४ वर्ष उमेर समुहका लक्षित किशोरीलाई खोप लगाइएको खोप समन्वय समितिका संयोजक प्रेम पाण्डेले जानकारी दिनुभयो । लिमीमा खोप लिएर जानका लागि हिल्सा, यारी र न्यालु लेख हिउँ बाटो अवरुद्ध भएका कारण जान नसकिने हुँदा २०८२ को बैशाख महिनामा मात्रै उक्त खोप अभियान सञ्चालन हुने भएको संयोजक पाण्डेले बताउनुभयो । जिल्लाका अन्य ४३ वटै वडामा एचपीभी खोप अभियान सफलतापूर्वक सम्पन्न भएको उहाँको भनाई थियो । 

   देशभर यो खोप अभियान माघ २२ गतेदेखि सञ्चालन भएर फाुग ६ गते सम्पन्न भएपनि यहाँका विद्यालय हिउँदे विदामा भएका कारण यो समयमा खोप अभियान भएको हो । हुम्लाका विद्यालय हिउँदको महिना चिसोका कारण हिउँदे विदासँगै पुस महिनाबाट शैक्षिकसत्र सकिएर बन्द भइ पुन फागुनबाट नयाँ शैक्षिक सत्र समेत हुने गर्दछ । फागुनबाट नयाँ शैक्षिक सत्र हुनुका साथै चिसो विस्तारै कम हुँदै गएपछि एचपीभी खोप अभियान सञ्चालन भएको स्वास्थ्य सेवा कार्यालयका प्रमुख तथा डाक्टर प्रतिक्षा भारतीले बताउनुभयो । एचपीभी खोप प्रारम्भिक किशोरावस्थामा लगाएमा प्रभावकारी हुने चिकित्सक बताउछन् । 
 

प्रकाशित मिति:
प्रतिक्रिया दिनुहोस्
थप समाज
हावाहुरीले लामालेख विद्यालयको जस्तापाता उडायो

हावाहुरीले लामालेख विद्यालयको जस्तापाता उडायो

चंखेली गाउँपालिका–६ स्थित गाउँको लामालेख प्राथमिक विद्यालय मासिधारामा हावाहुरी चल्दा विद्यालयको एक भागको जस्तापाता उडाएको छ ।
१३८ जना विद्यार्थीलाई झोला वितरण

१३८ जना विद्यार्थीलाई झोला वितरण

हिमाली जिल्ला हुम्लाको सदरमुकाम सिमकोट गाउँपालिका वडा नम्बर ५ मा रहेको भिमसेन आधारभुत विद्यालयका १३८ जना विद्यार्थीलाई झोला वितरण गरिएकोे छ
	६० दिने रातो काम्लो बुनाई तालिमको उद्घाटन

 ६० दिने रातो काम्लो बुनाई तालिमको उद्घाटन

हुम्लाको सदरमुकाम सिमकोटमा ६० दिने रातो काम्लो बुनाई तालिमको उद्घाटन गरिएको छ