खुकुरी प्रहारबाट एक महिला घाइते

हुम्ला जिल्लाको मध्ये क्षेत्रमा रहेको सर्केगाड गाउँपालिकामा खानेपानीको विषयलाई लिएर एक जना महिला माथि खुकुरी प्रहार भएको छ । वडा चार सायाँ गाउँका ४५ वर्षिय हजारी थापामाथी खानेपानीको विषयलाई लिएर छिमेकीले खुकुरी प्रहार गर्दा गम्बिर घाइते भएका छन् ।

खानेपानीको विषयलाई लिएर छिमेकी संगको विवादले ठुलो रुप लिदा पिडित थापाको टाउकोमा कुखुरी प्रहार गरी गम्भीर घाईते भएको पिडितका छोरा दन्त साउदले बताए । खेतमा काम गरेर घर फर्किने बेला सो गाउँका नेत्र थापाका आमा छोरा र अन्य एक जना युवा मिलेर खुकुरी तथा ढुङ्गा प्रहार गरी साउदलाई घाईते बनाएको उनले बताएका छन ।

घाईते साउदको साँया स्वास्थ्य चौकीमा प्राथमिक उपचार भइरहेको भएपनि स्वास्थ्यकर्मीले जिल्ला बाहिर रिफर गरेका छन । खुकुरी प्रहारबाट घाईते साउदले दुई पटक बान्ता समेत गरेको उनका छोराले बताए । बिबादमा संलग्न महिला झला थापा पनि घाईते भएर स्वास्थ्य चौकीमा उपचार गरी रहेको र उनको अबस्था सामान्य रहेको साउदले बताए ।

त्यहाँका स्थानीय प्रत्येक्ष दर्शीहरु भने झगडा हुँदा पिडकको हातमा बन्चरोको बिड देखिएको तर धटना कसरी किन भएको थाहा नपाएको बताएका छन् ।
खुकुरी प्रहार गर्ने थापा सहित अर्का एक जनालाई प्रहरीले नियन्त्रणमा लिएर अनुसन्धान सुरु गरेको जिल्ला प्रहरी कार्यालय हुम्लाका प्रहरी नायव उपरिक्षक सुर्य प्रसाद सुवेदीले जानकारी दिए ।

घाईतेको हेलिकोप्टरबाट काठमाडौं उपचारका लागि लैजाने व्यवस्थाका लागि गृह मन्त्रालयमा लेखी पठाएको भोली उद्धार हुने प्रमुख जिल्ला अधिकारी चिरन्जीबी गिरीले बताए ।

थप अनुसन्धान र मुद्धा दर्ताका लागि उनीहरुलाई जिल्लामा ल्याउने तयारी भई रहेको छ । घटना स्थल सदरमुकाम सिमकोटबाट डेढ दिन पैदल लाग्छ ।